Թուրքիան մտադիր է համագործակցություն հաստատել Արգենտինայի հետ ԱԹՍ արտադրության հարցով․ Չավուշօղլուն
Թուրքիան մտադիր է համագործակցություն հաստատել Արգենտինայի հետ անօդաչու թռչող սարքերի (ԱԹՍ) արտադրության հարցով, հայտարարել է արտգործնախարար Մևլութ Չավուշօղլուն։
«Ես խոսում էի պաշտպանական արդյունաբերության մասին։ Ամբողջ աշխարհը գիտի մեր անօդաչու թռչող սարքերի մասին։ Այս հարցով ցանկանում ենք նաև համագործակցություն հաստատել Արգենտինայի հետ»,- ուրբաթ Ստամբուլում իր արգենտինացի գործընկերոջ հետ համատեղ մամուլի ասուլիսի ժամանակ ասել է Չավուշօղլուն։
