Անցյալ տարի Թուրքիայի` զբոսաշրջությունից ստացված եկամուտը գերազանցել է ռեկորդային 46 միլիարդ դոլարը: Այս տվյալները ներկայացնում է Թուրքիայի վիճակագրական ինստիտուտը, գրում է Говорит Москва-ն:
 

«Ճամփորդների անձնական ծախսերը գերազանցել են 34 միլիարդ դոլարը, իսկ տուր փաթեթների վրա ծախսերը գերազանցել են 11 միլիարդ դոլարը»,- գրում է Hürriyet թերթը՝ վկայակոչելով ինստիտուտի տվյալները։

Նշվում է, որ անցյալ տարի հանրապետություն է այցելել մոտ 44 միլիոն օտարերկրյա զբոսաշրջիկ, որից ավելի քան 5 միլիոնը ռուսներ են։ Երկրի մշակույթի և զբոսաշրջության նախարար Մեհմեդ Նուրի Էրսոյն ասել է, որ Թուրքիան ակնկալում է այս տարի ընդունել 60 միլիոն զբոսաշրջիկի և 56 միլիարդ դոլար եկամուտ ստանալ։