Շոլցն ասել է, թե որն է ՌԴ-ի հարցում Գերմանիայի գլխավոր նպատակը
Գերմանիայի կանցլեր Օլաֆ Շոլցն ասել է, որ Գերմանիայի նպատակն է կանխել Ռուսաստանի սահմանների ընդլայնումը։ Գերմանացի քաղաքական գործչի տեսաուղերձը հրապարակվել է երկրի կառավարության կայքում։
«Մեր նպատակը պարզ է՝ Ռուսաստանը չպետք է կարողանա ուժի կիրառմամբ տեղաշարժել սահմանները», - ասել է Շոլցը։
Նա նշել է երեք սկզբունքներ, որոնց Գերմանիան հավատարիմ կմնա Ուկրաինայի հակամարտությունում։ Նախ՝ Բունդեսթագը կշարունակի մարդասիրական, ֆինանսական և ռազմական օգնություն ցուցաբերել Կիևին։ Երկրորդ՝ Բեռլինը թույլ չի տա, որ հակամարտությունը սրվի և վերածվի պատերազմի Հյուսիսատլանտյան դաշինքի և Ռուսաստանի միջև։ Երրորդ՝ կանցլերը խոստացել է երկրի քաղաքացիներին, որ ղեկավարությունը կշռադատելու է Ուկրաինայում ձեռնարկված միջոցները և գործելու է միայն դաշնակիցների հետ միասին։
Հիշեցնենք, որ Գերմանիան հայտարարեց Leopard 2 տանկերը Ուկրաինայի զինված ուժերին փոխանցելու մասին։ Բեռլինը կձևավորի երկու տանկային գումարտակ, առաջին փուլում Ուկրաինայի Զինված ուժերին 14 միավոր Leopard 2 տիպի A6 խմբավորում կտրամադրվեն պահեստներից։
Ռուսաստանը նախկինում նոտա է հղել Հյուսիսատլանտյան դաշինքի երկրներին՝ զենքի մատակարարման պատճառով։ Արտաքին գործերի նախարար Սերգեյ Լավրովն ընդգծել է, որ ցանկացած բեռ, որը ռազմական տեխնիկա է պարունակում Կիևի համար, կոչնչացվի Ռուսաստանի օդատիեզերական ուժերի կողմից հարևան հանրապետությունում։
