«Ղարաբաղը մնում է Ադրբեջանի անբաժանելի մասը և ընդմիշտ այդպես կլինի». Ալիևը կրկին խեղաթյուրում է փաստերը

Ադրբեջանի նախագահ Իլհամ Ալիեւը հայտարարել է, որ Բաքուն եւ Երեւանը պետք է խաղաղության պայմանագիր ստորագրեն հարաբերությունների կարգավորման համար: Այս մասին գրում են ադրբեջանական լրատվականները:

 

«Հայ-ադրբեջանական Լեռնային Ղարաբաղի հակամարտությունն ավարտված է, այդ հակամարտությունն արդեն լուծված է։ Ղարաբաղը մնում է Ադրբեջանի անբաժանելի մասը և ընդմիշտ այդպես կլինի», - ասել է բռնապետը շաբաթ օրը՝ հանդես գալով Եգիպտոսի նախագահի հետ բանակցությունների արդյունքների վերաբերյալ համատեղ հայտարարությամբ։

 

Ալիևի խոսքով՝ Ադրբեջանը ապաօկուպացրել է իր տարածքը, դրանով իսկ մերձեցրել է խաղաղությունը Հայաստանի հետ։ 

 

«Խաղաղության պայմանագիրը, որը կստորագրվի Ադրբեջանի և Հայաստանի միջև, կհանգեցնի խաղաղության։ Մենք մեր առաջարկներն ենք արել եւ նախկինի պես կարծում ենք, որ խաղաղության պայմանագիրը պետք է անպայման ստորագրվի։ Հակառակ դեպքում ռիսկերը մեր տարածաշրջանում կարող են աճել», - հավելել Է Ադրբեջանի բռնապետը։

Քաղաքականություն

Պատահարներ