Ուկրաինական զինված ուժերը լքել են Սոլեդարը
Ուկրաինայի զինված ուժերի ներկայացուցիչ Սերգեյ Չերևատին հայտարարել է Սոլեդար քաղաքի կորստի մասին և հայտնել, որ քաղաքը գտնվում է ռուսական ուժերի վերահսկողության ներքո։
«Ամիսներ տևած դժվարին մարտերից հետո ուկրաինական զինված ուժերը հեռացել են Սոլեդարից և քաղաքի մատույցներով նահանջել նախապես պատրաստված դիրքեր», - ասել է Չերևատին Agence France-Presse գործակալության հետ զրույցում, փոխանցում է Vesti.ru-ն։
ՌԴ պաշտպանության նախարարությունը Սոլեդարի նկատմամբ վերահսկողություն սահմանելու մասին հաղորդել էր հունվարի 12-ին: Գերատեսչության պաշտոնական ներկայացուցիչ, գեներալ-լեյտենանտ Իգոր Կոնաշենկովի խոսքով՝ այս քաղաքի ամբողջական վերահսկողությունը թույլ է տալիս կտրել ուկրաինական զորքերի մատակարարման ուղիները Արտյոմովսկում, այնուհետև արգելափակել և օղակի մեջ վերցնել այնտեղ մնացած ստորաբաժանումները:
