ՏԵՍԱՆՅՈՒԹ․ Ադրբեջանցի աշակերտները կադրեր են հրապարակել, թե ինչպես է ուսուցչուհին ծեծի ենթարկում իրենց

Ադրբեջանական լրատվամիջոցները ակտիվ տարածում են ուսուցչի կողմից աշակերտներին ծեծի ենթարկելու տեսանյութը։ 

Նշվում է, որ 2023 թվականի հունվարի 19-ին միջնակարգ դպրոցի VI դասարանի աշակերտների նկատմամբ ադրբեջաներեն լեզվի և գրականության ուսուցչի ոչ պատշաճ պահվածքի կապակցությամբ թիվ 59 դպրոցի ղեկավարությունը համապատասխան զրույց է ունեցել ուսուցչի հետ։

Ուսուցիչը ուշադրություն է հրավիրել, որ մի քանի աշակերտ միջամտել են ուսումնական գործընթացին, կրկնվող զգուշացումներից եզրակացություններ չեն արել, խոչընդոտներ են ստեղծել դասը բացատրելու համար, ինչի պատճառով էլ հայտնի իրավիճակ է ստեղծվել։ Ուսուցչուհին վստահեցրել է նաև, որ նման դեպքեր չեն կրկնվի, ինքը սիրում է իր աշակերտներին, որ այսուհետ կիրառելու է միայն ուսումնական գործընթացին համապատասխան մեթոդներ։