Մեծ Բրիտանիայի վարչապետ Սունակը տուգանվել է երթևեկության կանոնները խախտելու համար
Մեծ Բրիտանիայի վարչապետ Ռիշի Սունակը տուգանվել է՝ առանց ամրագոտին կապելու՝ ուղևորի նստարանին նստելու համար։
Հինգշաբթի օրը Լանկաշիր այցելության ժամանակ Սունակը սոցիալական ցանցերում մի տեսանյութ է հրապարակել՝ հայտարարելով տարածաշրջանի տնտեսության մեջ ներդրումների ավելացման մասին: Տեսանյութում նա մեքենայի ընթացքի ժամանակ առանց ամրագոտի նստած է ետևի նստարանին։
Բրիտանական ոստիկանությունը խոստացել է ուսումնասիրել տեսանյութը։ ️Ավելի ուշ կառավարության ղեկավարի ներկայացուցիչը նրա անունից ներողություն է խնդրել:
️Տուգանքը նշանակվելուց հետո Մեծ Բրիտանիայի վարչապետի աշխատակազմից տեղեկացրել են, որ Սունակն այն վճարելու է։ Տուգանքի չափը 100 ֆունտ է կամ 123 դոլար:
