Արցախում 24 ժամյա ռեժիմով էլեկտրաէներգիայով ապահովվում են հացի թխման կետերը և կաթի 2 գործարանները
Այսօր Արցախի ԱԺ սոցիալական և առողջապահության հարցերի մշտական հանձնաժողովը կազմակերպել է քննարկում՝ շրջափակման հետևանքով ստեղծված իրավիճակի շուրջ:
«Արցախէներգո» ՓԲԸ տնօրեն Անդրանիկ Խաչատրյանը տեղեկություն ներկայացրեց վթարի պատճառի ու վայրի, էներգետիկ համակարգի առկա ռեսուրսների մասին, հիմնավորեց այսօրվանից վեցժամյա հովհարային անջատման անցնելու որոշումը:
Նա տեղեկացրեց, որ արտադրական ցիկլը չխաթարելու համար 24 ժամյա ռեժիմով էլեկտրաէներգիայով ապահովվում են 2 կաթի գործարաններն ու հացի թխման կետերը:
«Արցախգազ» ՓԲԸ տնօրենի տեղակալ Արթուր Դադասյանն անդրադարձավ գազամատակարարման խնդիրներին:Նրա խոսքով՝ այս պահի դրությամբ գազամատակարարումը հանրապետությունում վերականգնված է:
