Աշխարհում չեք գտնի մի երկիր, որի զինվորները տեղակայված լինեն Ազատի կացարանի նման մի տեղ. Էդիկ Բաղդասարյան

 «Հետք»-ի խմբագիր, ինչպես նաև պատերազմի մասնակից Էդիկ Բաղդասարյանը ֆեյսբուքյան իր էջում գրառում է արել` կապված Ազատում վաշտի կացարանում տեղի ունեցած ողբերգության հետ։

 «Աշխարհում չեք գտնի մի երկիր, որի բանակի զինվորները տեղակայված լինեն Ազատ գյուղում մեր զինվորների կացարանի նման մի տեղ: Չեք գտնի այդպիսի երկիր, բանակի այդպիսի կացարան: Գիտեք, թե սա միա՞կն է Հայաստանում:

 Ես նույնիսկ համոզված եմ, որ կորպուսի հրամանատարը այս կացարանի վիճակի մասին զեկուցագիր է գրել շտաբի պետին, նախարարին: Բոլոր սպաներն այսօրվանից զեկուցագրերով պիտի հեղեղեն վարչապետին, նախարարին, շտաբի պետին: 

Որովհետեւ վաղը ցանկացած միջադեպի համար ձեզ են պատասխանատվության ենթարկելու: Զեկուցագրերում գրեք ամեն ինչի մասին, գիշերային տեսանելիության սարքերի մասին չմոռանաք նշել: Ու նաեւ զեկուցագրերի կրկնօրինակները անպայման պահեք ձեզ մոտ»- գրել է նա:

[3dd2f23b2303d03ee81b99469eb8add5.jpeg]

[4b03f561fbf871adaa5c7e848889b4d1.jpeg]

[04fd25e74420b975a124e27653197eff.jpeg]

Լուսանկարները`  «Փաստերի ստուգման հարթակի»։