Կիևում ուղղաթիռի կործանման հետևանքով զոհվել է ՆԳՆ բարձրագույն ղեկավարությունը
Կիևի մարզում ուղղաթիռի կործանման հետևանքով 16 մարդ է զոհվել։ Զոհերի թվում են երկրի ՆԳՆ ղեկավար Դենիս Մոնաստիրսկին և նրա առաջին տեղակալ Եվգենի Էնինը, հայտնել է Ուկրաինայի ազգային ոստիկանության ղեկավար Իգոր Կլիմենկոն։
Քիչ առաջ հայտնել էինք, որ ընդհանուր առմամբ, այս պահի դրությամբ հայտնի է 16 զոհի մասին, որից 2-ը երեխաներ են։
Թե ինչն է եղել վթարի պատճառը, դեռևս հայտնի չէ։
Դենիս Մոնաստիրսկին Ուկրաինայի ներքին գործերի նախարարության ղեկավարն էր 2021 թվականի հուլիսի կեսերից։ Նույն թվականի օգոստոսի վերջին նրա տեղակալ է նշանակվել Եվգենի Էնինը։
