ՏԵՍԱՆՅՈՒԹ. «30 տարի ով ընտրություն կեղծի, ով ապալեգիտիմացնի». Սիմոնյանի արձագանքը` Մինասյանի խոսքին

 ԱԺ «Հայաստան» խմբակցության քարտուղար Արծվիկ Մինասյանը Հաշվեքննիչ պալատի անդամի ընտրության հարցի քննարկման ժամանակ հայտարարեց, որ իրենք քվեարկությանը չեն մասնակցելու, ինչին ի պատասխան Ռուբեն Ռուբինյանը հարց ուղղեց Մինասյանին՝ ինչո՞ւ։

«Իսկ եթե ավելի լուրջ, ապա հարգելի գործընկերներ, ձեր իրավունքն է տարբեր բաների չմասնակցել, բայց քաղաքացիները արժանի են գոնե իմանալ բացատրությունը: Ինչու մեր նիստերի օրակարգերին «ձեռնպահ» կամ «դեմ» եք քվեարկում: Կոնկրետ Հաշվեքննիչ պալատի հետ ի՞նչ խնդիր ունեք որպես երևույթ, ինստիտուտ»:

Արրձագանքելով Արծվիկ Մինասյանը՝ նշեց.

 «Պարոն Ռուբինյան, դուք ձեզ իրավունք եք վերապահում հրապարակային հարց հնչեցնել, հրապարակային պատասխանը հետևյալն է, որ մենք մեր «ձեռնպահ» կամ «դեմ» քվեարկությունները մենք հիմնավորում ենք: Այնտեղ, որտեղ կա որոշակի բարելավում, մենք նորմալ ենք գնահատում, բայց հիմնական շեշտը նա է, որ որպես կանոն բերված փաթեթները բերվում են կիսատ-պռատ մշակված, կամ չմշակված, կամ Հայաստանի առաջնային օրակարգից դուրս հարցեր են: Այնտեղ, որտեղ «դեմ» ենք քվեարկում, ինչպես «Պետական գաղտնիքի մասին» օրենքի դեպքում ենք անելու, հստակ բացատրում ենք, թե ինչո՞ւ է այդպես: Ինչ վերաբերում է փակ քվեարկությանը չմասնակցելուն, ապա ասեմ, որ ԱԺ մեծամասնությունն ապալեգիտիմացրել է փակ, գաղտնի քվեարկության արդյունքները և ընդհանրապես քվեարկության պրոցեսը: Ամենավառ օրինակը Վահագն Հովակիմյանի քվեարկությունն է եղել և  ընդդիմության ներկայացրած թեկնածուներին ձեր մերժելը՝ առանց որևէ ողջամիտ բացատրության»:

ԱԺ խոսնակ Ալեն Սիմոնյանն արձագանքեց. «30 տարի ով ընտրություն կեղծի, ով ապալեգիմիտացվի»: