Կարելի է ասել՝ սա երրորդ համաշխարհային պատերազմն է. Քադիրովը` Ուկրաինայում ռազմական գործողությունների մասին
Եթե Ռուսաստանի հակառակորդներին համաշխարհային հանրություն անվանենք, ապա Ուկրաինայի հակամարտությունը կարելի է երրորդ համաշխարհային պատերազմ համարել: Նման հայտարարություն է արել Չեչնիայի ղեկավար Ռամզան Քադիրովը, գրում է РИА Новости-ն:
«Եթե վերցնենք այն եվրոպական պետությունները, որոնք այսօր մասնակցում են (Խմբ.` Ուկրաինայի հակամարտությանը)... ՆԱՏՕ-ի դաշինքը և հարակից այլ պետություններ, եթե այս... պետություններին անվանենք համաշխարհային հանրություն, ապա կարելի է ասել՝ սա երրորդ համաշխարհային պատերազմն է»,- ասել է Քադիրովն իր օգնականի սոցցանցում ուղիղ եթերի ժամանակ։
Միաժամանակ նա ընդգծել է, որ «ռազմական իրադարձություններին» չեն մասնակցում այնպիսի խոշոր պետություններ, ինչպիսիք են Չինաստանը, Հնդկաստանը, Պակիստանը։
