Ֆիլիպիններում ջրհեղեղի հետևանքով զոհերի թիվը հասել է 29-ի
Ֆիլիպիններում ջրհեղեղների հետևանքով առնվազն 29 մարդ է զոհվել, 4-ը անհետ կորած են համարվում, գրում է ТАСС-ը
Ինչպես նշվում է երեքշաբթի օրը հրապարակված Ռիսկերի կանխարգելման և բնական աղետների վերացման ազգային խորհրդի զեկույցում, անբարենպաստ եղանակային պայմանները ազդել են հանրապետության 14 մարզերում ավելի քան 1,39 մլն մարդու վրա։
Ավելի վաղ հաղորդվում էր 28 զոհի մասին։
Գործակալության տվյալներով՝ 203,3 հազար տեղահանվածներ գտնվում են 484 տարհանման կենտրոնում։ Առնվազն 14,1 հազար մարդ նախապես լքել է տները, 12 քաղաքացի ստացել է տարբեր աստիճանի վնասվածքներ։
Հանրապետության 14 մարզերում արձանագրվել է աղետների հետ կապված ավելի քան 1,03 հազար դեպք, այդ թվում՝ ջրհեղեղներ և սողանքներ։
Տարերքները վնասել են 1,37 հազար տուն՝ 2,41 միլիոն պեսոյի (43,8 հազար դոլար) չափով։ 156 ենթակառուցվածքային օբյեկտների վնասը գնահատվում է 171,5 մլն պեսո (3,13 մլն դոլար), գյուղատնտեսությանը` 399,5 մլն պեսո (7,29 մլն դոլար): Ջրհեղեղները վնասել են 238 ճանապարհներ և 55 կամուրջներ, տուժել են 26 ծովային նավահանգիստներ։ Էլեկտրաէներգիայի անջատումներ են գրանցվել 63 քաղաքներում, սակայն դրանք արդեն վերականգնվել են 39 քաղաքներում, 9 համայնքներում պահպանվում են ջրամատակարարման խնդիրները, 3-ում՝ կապի խնդիրները։
555 քաղաքներում և 134 մունիցիպալիտետներում դադարեցվել են դպրոցների և բիզնեսի գործունեությունը: Արտակարգ դրություն է մտցվել 32 բնակավայրերում։ Կառավարությունն արդեն 74,5 մլն պեսո (1,36 մլն դոլար) է հատկացրել օգնության համար։
