2022 թվականը շատ ծանր տարի էր Ռուսաստանի համար․ Պուտին
Անցած 2022 թվականը շատ ծանր տարի էր Ռուսաստանի համար, բայց երկիրը կարողացավ անցնել անսպասելիորեն առաջացած ռիսկերի միջով, տնտեսական հարցերին նվիրված հանդիպման ժամանակ ասել է ՌԴ նախագահ Վլադիմիր Պուտինը՝ նշելով, որ 2023 թվականին Ռուսաստանի իշխանություններն ավելի լավ են հասկանում, թե ինչ ռիսկեր են սպասվում՝ նշելով, որ դրանք պետք է ավելի արդյունավետ հաղթահարվեն:
«2022 թվականը շատ դժվար տարի էր մեզ համար, և մենք կարողացանք անցնել այդ ռիսկերի միջով, որոնք առաջացան հիմնականում անսպասելիորեն», - ասել է Պուտինը՝ նշելով, որ ռիսկերը հաղթահարվել են «բավականին հաջողությամբ»։
Պետության ղեկավարը հավելել է, որ այժմ ՌԴ իշխանությունները մոտավորապես հասկանում են, թե ինչ ռիսկեր են լինելու 2023 թվականին։ «Մենք հասկանում ենք, թե ինչ է կատարվում և ինչ դժվարություններ կունենանք։ Եվ իհարկե, եթե մենք դա հասկանում ենք, ապա պետք է շատ ավելի արդյունավետ անցնենք դրա միջով»,- ասել է Պուտինը։
