Շվեդիայում չեն քննի Էրդողանի խրտվիլակը կախելու դեպքը
Շվեդիայի դատական իշխանությունները չեն հետաքննի հունվարի 11-ին Ստոկհոլմում Թուրքիայի նախագահ Ռեջեփ Թայիփ Էրդողանի խրտվիլակը կախելու դեպքը: Այս մասին գրում է ТАСС-ը` հղում տալով Aftonbladet թերթին:
Նշվում է, որ Շվեդիայի դատախազությունը ցուցարարների գործողություններում անօրինական ոչինչ չի գտել։ Դատախազ Լուկաս Էրիկսենը ասել է, որ դատախազության որոշումը կարող է բողոքարկվել, որի դեպքում այն քննելու է ավագ դատախազը։ Ինքը` Էրիկսենը, որոշել է չքննել գործը:
Ավելի վաղ Թուրքիայի ԱԳ նախարար Մևլութ Չավուշօղլուն, անդրադառնալով Ստոկհոլմում տեղի ունեցած ակցիային, որի ժամանակ ոտքերից կախել էին Թուրքիայի նախագահ Ռեջեփ Թայիփ Էրդողանի խրտվիլակը, ասել էր, թե PKK-ն ականներ է դնում Շվեդիայի՝ ՆԱՏՕ-ին անդամակցելու ճանապարհին:
