Իրանում մահապատժի են ենթարկել պաշտպանության նախկին փոխնախարարին. պատճառը հայտնի է

Իրանում մահապատժի են ենթարկել պաշտպանության նախկին փոխնախարար Ալի Ռեզա Աքբարիին, ով մեղավոր է ճանաչվել Բրիտանիայի օգտին լրտեսության մեջ։ Իրանի դատական ​​համակարգին հաշվետու Mizan Haber լրատվական գործակալության փոխանցմամբ՝ դատավորները որոշել են, որ լրտեսելով բրիտանական հետախուզական ծառայությունների օգտին՝ Աքբարին լայնածավալ գործունեություն է ծավալել՝ ի վնաս Իրանի ներքին և արտաքին անվտանգությանը, ինչպես նաև քաոս սերմանել։

 

Ըստ քննիչների՝ Աքբարին բազմիցս հանդիպումներ է ունեցել բրիտանական հետախուզության գործակալների հետ՝ փողի դիմաց նրանց փոխանցելով 178 մարդու, այդ թվում՝ իրանցի գիտնականների մասին տեղեկություններ։ Հաղորդագրության համաձայն՝ հենց Աքբարին է բրիտանական հետախուզության գործակալների հետ հանդիպման ժամանակ 2020 թվականի նոյեմբերի 27-ին մայրաքաղաք Թեհրանում սպանված գիտնական Մուհսին Ֆախրիզադեին որպես «իրանական ծրագրի առանցքային դեմք»։

 

Իրանի հետախուզության նախարարությունը նշել է, որ Աքբարին երկրի գաղտնի և ռազմավարական կենտրոններից տեղեկություն է փոխանցել Մեծ Բրիտանիայի ԱԳՆ Գաղտնի հետախուզական ծառայությանը:

 

«Աքբարին այն լրտեսներից է, ով տեղեկություններ է հավաքել Իրանի ռազմավարական հաստատությունների մասին՝ այն բրիտանական հետախուզությանը փոխանցելու նպատակով»,- ասվում է զեկույցում։
 

Քաղաքականություն

Պատահարներ