Հայտնի է` քանի երեխա է զոհվել ռուս-ուկրաինական պատերզմում
Ռուսաստանի և Ուկրաինայի միջև պատերազմի հետևանքով մինչ օրս 453 երեխա է զոհվել, 880-ը՝ վիրավորվել։
Այս մասին հաղորդվում է Ուկրաինայի գլխավոր դատախազության Telegram ալիքում։
«Ռուսաստանի Դաշնության լայնամասշտաբ զինված ագրեսիայի արդյունքում Ուկրաինայում տուժել է ավելի քան 1333 երեխա: 2023 թվականի հունվարի 13-ի առավոտվա դրությամբ զոհված երեխաների պաշտոնական թիվը չի փոխվել՝ 453: Տուժածներն ավելացել են՝ ավելի քան 880։
Այս թվերը վերջնական չեն։ Վնասվել է 3126 կրթական հաստատություն, որոնցից 337-ն ամբողջությամբ ավերվել է»,- ասվում է հրապարակման մեջ։
