ԼՈՒՍԱՆԿԱՐՆԵՐ. «Ուղղությունը՝ Հայաստան»․ Ֆրանսիայի ԱԺ նախագահն ու ֆրանսիացի պատգամավորները գալիս են Հայաստան

 Ուղղությունը՝ Հայաստան: Ֆրանսիացի պատգամավոր, Ֆրանսիա-Հայաստան բարեկամության խմբի նախագահ Անն-Լորանս Փեթելը գրառում է արել իր թվիթերյան հաշվում և նկարներ հրապարակել` օդանավից կադրեր, ինչպես նաև Արարատ լեռան ու հայկական եռագույնի լուսանկարները։ 

«Ուղևորություն Ֆրանսիայի ԱԺ նախագահ Յաել Բրոն-Պիվեի ու իմ գործընկեր Անն Ժենետեի հետ՝ աջակցելու հայ ժողովրդին՝ Լեռնային Ղարաբաղը Հայաստանին կապող միակ ճանապարհը մեկ ամսով փակելու մտահոգիչ համատեքստում»,- գրել է Փեթելը։ 

Հիշեցնենք, որ նախորդ շաբաթ Ֆրանսիայի ԱԺ նախագահ Յաել Բրոն-Պիվեն տեղեկացրել էր, որ իր գլխավորությամբ պատգամավորական պատվիրակություն է  պատրաստվում այցելել Հայաստան։ 
[e1c90aad2fb82c9d828a7f6b62210426.jpg]
[7ad1952b47a85b23dc84905804ebb7c8.jpg]

[4b8fa825982771044f8b831e7f3b349c.jpg]