Բայդենի նախկին գրասենյակում գտնված փաստաթղթերը չպետք է այնտեղ պահվեին. ԱՄՆ արդարադատության նախարար
ԱՄՆ նախագահ Ջո Բայդենի նախկին աշխատասենյակում հայտնաբերված գաղտնի փաստաթղթերը չպետք է այնտեղ պահվեին, հայտարարել է ԱՄՆ արդարադատության նախարարության ղեկավար Մերիկ Գարլանդը։
Նա հիշեցրել է, որ 2022 թվականի հոկտեմբերի 4-ի երեկոյան Ազգային արխիվի գլխավոր տեսուչի գրասենյակը հայտարարել է Վաշինգտոնի Դիվանագիտության և գլոբալ ներգրավվածության կենտրոնի գրասենյակում գաղտնի փաստաթղթերի հայտնաբերման մասին։
«Այս գրասենյակը նախատեսված չէ գաղտնի փաստաթղթեր պահելու համար», - ասել է նա։
Ավելի վաղ Բայդենը խոստովանել էր, որ տանը գաղտնի փաստաթղթեր է պահել իր «անձնական գրադարանում»։
Նաև Սպիտակ տան հատուկ դատախազ Ռիչարդ Զաուբերն ասել է, որ Բայդենի փաստաբանները նոր գաղտնի փաստաթղթեր են գտել Ուիլմինգթոնի իր տան ավտոտնակում՝ կապված նրա` փոխնախագահի պաշտոնավարման ժամանակաշրջանի հետ:
ԱՄՆ արդարադատության նախարարությունը հատուկ խորհրդական է նշանակել՝ հետաքննելու գաղտնի փաստաթղթերի ոչ պատշաճ պահպանումը սկսած այն ժամանակաշրջանից, երբ Բայդենը պաշտոնավարում էր որպես փոխնախագահ։
