«Բուկ» զենթահրթիռային համակարգերն Ուկրաինան Վրաստանին 2008 թվականին չի նվիրել, դրանք գնվել են Վրաստանի կողմից՝ 2007 թվականին, հայտարարել է Ուկրիանայի պաշտպանության նախարարությունը։ 

Հիշեցնենք՝ նախօրեին Վրաստանում Ուկրաինայի գործերի ժամանակավոր հավատարմատար Անդրեյ Կասյանովը հայտարարել էր, որ Ուկրաինան Վրաստանին խնդրել է վերադարձնել «Բուկ» զենիթահրթիռային համակարգերը, որոնք Կիևը Թբիլիսիին է տվել 2008 թվականի պատերազմի ժամանակ։ 

Դիվանագետն ասել էր նաև, որ  Կիևը Թբիլիսիին խնդրել է իրեն փոխանցել նաև «Javelin» հակատանկային համակարգերը, որոնք ԱՄՆ-ն է տրամադրել Վրաստանին։ 

«Տեղեկությունը, որ Ուկրաինան Վրաստանին անհատույց տրամադրել է «Բուկ» զենթահրթիռային համակարգեր, իրականությանը չի համապատասպանում։ Վրաստանի ռազմական գերատեսչությունը «Բուկ» համակարգերը ձեռք է բերել 2007 թվականին՝ կատարելով բազմամիլիոնանոց դոլարների գնում, որն իրականացվել է գաղտնի համաձայնագրի շրջանակում, այդ պատճառով մենք հնարավորություն չունենք հավելյալ մանրամասներ հայտնել»,- այս առնչությամբ հայտարարել է Վրաստանի պաշտպանության նախարարությունը։ 

Վրաստանի ռազմական գերատեսչությունում ասել են, որ 2017 թվականին տասնյակ միլիոնավոր դոլարներ են վճարել նաև «Javelin» հակատանկային համակարգերի համար։ 

«Վրաստանը շարունակում է հումանիտար ու քաղաքական աջակցություն ցուցաբերել Ուկրաինային՝ իր ունեցած հնարավորությունների շրջանակում։ Սրա վկայություններից է տոննաներով մարդասիրական բեռները, այդ թվում նաև՝ գեներատորները, որոնք գնվել և Ուկրաինային են փոխանցվել Վրաստանի վարչապետի նախաձեռնությամբ։ Ինչ վերաբերում է Ուկրաինային զենք կամ երկակի նշանակության տեխնիկա փոխանցելուն, ապա Վրաստանի ղեկավարությունը բազմիցս արտահայտել է իր հստակ դիրքորոշումն այս հարցի վերաբերյալ»,- նշված է հայտարարությունում։