ԱՄՆ-ում ազատ է արձակվել սառը պատերազմի ամենահայտնի լրտեսներից մեկը

 ԱՄՆ-ում ավելի քան 20 տարվա բանտարկությունից հետո ազատ է արձակվել Անա Մոնտեսը՝ սառը պատերազմի ժամանակների ամենահայտնի լրտեսներից մեկը։

Մոնտեսը, որն այժմ 65 տարեկան է, աշխատել է Պենտագոնի հետախուզական վարչությունում՝ որպես վերլուծաբան, և լրտեսել Կուբայի օգտին։

2001 թվականին նրա ձերբակալությունից հետո ամերիկացի պաշտոնյաները պնդում էին, որ նա գրեթե ամբողջությամբ բացահայտել է Կուբայում ԱՄՆ հետախուզական գործողությունները:

Նրանցից մեկի խոսքով՝ Մոնտեսը ամերիկյան հատուկ ծառայությունների կողմից երբևէ ձերբակալված ամենավտանգավոր գործակալներից մեկն էր, որը հսկայական վնաս է հասցրել Միացյալ Նահանգներին։