Այս պահին դեռ վերջնական որոշում չկա. ԲՏԱ նախարարը՝ երկրորդ արբանյակի մասին
2022 թվականին շահագործված հայկական առաջին արբանյակի` ArmSat-1-ի կառավարումը Հայաստանից իրականացնելու գործընթացը նախատեսված է 2023-ին:
«Սարքավորումների մեծ մասը մատակարարվել է Հայաստան, ուղղակի մոնտաժային աշխատանքները 2022-ին չհասցրեցինք»,-այսօր՝ հունվարի 5-ին, կառավարության նիստից հետո լրագրողների հետ ճեպազրույցում նշեց Բարձր տեխնոլոգիական արդյունաբերության նախարար Ռոբերտ Խաչատրյանը։
Նախարարի խոսքով՝ ըստ պայմանագրի նախատեսվում է արբանյակի կառավարման կենտրոնը և ընդունիչ կայանը շահագործման հանձնել 2023-ին։
Ինչ վերաբերում է երկրորդ արբանյակ ունենալու հնարավորությանը, նախարարն ասաց. «Դա դեռ խոսակցությունների փուլում է, բանակցություններ ենք վարում, ծանոթանում են շուկայում առկա առաջարկներին, բայց դեռևս վերջնական որոշում չկա»:
