ԱՄՆ-ի նավթի պաշարները մեկ շաբաթվա ընթացքում աճել են 1,7 միլիոն բարելով
ԱՄՆ-ում նավթի առևտրային պաշարները շաբաթվա ընթացքում աճել են 1,7 մլն բարելով և դեկտեմբերի 30-ի դրությամբ կազմել 420,6 մլն բարել, հայտնել է երկրի էներգետիկայի նախարարությունը։ Այս մասին գրում է ТАСС-ը:
Նախարարությունը պարզաբանել է, որ պաշարների ներկա մակարդակը մոտ 4%-ով ցածր է վերջին հինգ տարիների միջինից, որը բնորոշ է տարվա այս եղանակին։
Երևանի ժամանակով 20:01-ի դրությամբ Brent տեսակի նավթի մարտյան ֆյուչերսները ICE բորսայում թանկացել են 1,35%-ով՝ մինչև 78,89 դոլար մեկ բարելի դիմաց, իսկ WTI-ի ֆյուչերսների արժեքը 2023 թվականի փետրվարի մատակարարմամբ թանկացել է մինչև 73,82 դոլար մեկ բարելի դիմաց:
