Իսրայելը հարվածել է Լիբանանին՝ ի պատասխան Լիբանանից արձակված հրթիռների
Իսրայելի պաշտպանության բանակը հարվածներ է հասցրել Լիբանանի տարածքին։ Ըստ Իսրայելի Պաշտպանության բանակի՝ այսօր՝ հուլիսի 6-ին, երկու հրթիռ է արձակվել Իսրայելի ուղղությամբ։ Այդ մասին հաղորդում է The Jerusalem Post-ը։
Նշվում է, որ ըստ լիբանանյան աղբյուրների՝ Լիբանանի հարավից դեպի Իսրայել է արձակվել 2 հրթիռ, որոնցից մեկն ընկել է Լիբանանի տարածքում, մյուսը՝ սահմանին գտնվող վիճելի տարածքում։
Իսրայելի Պաշտպանության բանակը նշել է նաև, որ իսրայելական ուժերը հարվածներ են հասցրել այն հատվածին, որտեղից արձակվել են հրթիռները։
