Պեսկովն ասել է` ինչպես կարող է լուծվել ռուս-ուկրաինական կոնֆլիկտը

Ցանկացած հակամարտություն լուծվում է բանակցությունների սեղանի շուրջ, մինչդեռ Ուկրաինայի հետ կապված իրավիճակում դա առաջին հերթին վերաբերում է հատուկ ռազմական գործողության ավարտին` իր նպատակներին հասնելուց հետո: Այս մասին ասել է ՌԴ նախագահի մամուլի քարտուղար Դմիտրի Պեսկովը։

Ավելի վաղ ՌԴ նախագահ Վլադիմիր Պուտինը հայտարարել էր, որ բոլոր զինված հակամարտությունները ավարտվում են բանակցություններով, և որքան շուտ Կիևը հասկանա դա, այնքան լավ։

«Ցանկացած հակամարտություն ավարտվում է բանակցությունների սեղանի շուրջ, դա բազմիցս ասվել է, բայց, իհարկե, խոսքը գնում է առաջին հերթին հատուկ ռազմական գործողության շուտափույթ ավարտի մասին՝ հասնելով այն նպատակներին, որոնք իր առջև դնում է Ռուսաստանի Դաշնությունը», - ասել է Պեսկովը լրագրողների հետ զրույցում: 

Հիշեցնենք, որ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։

Ուկրաինայում մարտական գործողություններն ընթանում են արդեն 301-րդ օրը։