Ռուսաստանը տիրապետում է ՆԱՏՕ-ի ուժերի և միջոցների վերաբերյալ ամբողջական տեղեկատվությանը, այն պետք է վերլուծել և օգտագործել ռուսական զորքերի մարտունակությունը բարձրացնելու համար։ Այս մասին հայտարարել է ՌԴ նախագահ Վլադիմիր Պուտինը պաշտպանության նախարարության կոլեգիայում, փոխանցում է РБК-ն։

«ՆԱՏՕ-ի ուժերի մասին բոլոր տեղեկությունները, միջոցները, որոնք ակտիվորեն օգտագործվում են հատուկ ռազմական գործողության և հակաքայլերի ընթացքում, մեզ քաջ հայտնի են։ Դուք ունեք այս ամենը, և այս ամենը պետք է մանրակրկիտ վերլուծվի և օգտագործվի մեր զինված ուժերի զարգացման գործում»,- ասել է պետության ղեկավարը։