«Կոչ եմ անում օգնել Արցախի անվտանգության ապահովմանը». Ադամ Շիֆը հրապարակել է Բայդենին հասցեագրված նամակը
«Արցախում հիվանդանոցի պացիենտը մահացել է այն պատճառով, որ Ադրբեջանի շրջափակումը նրան կտրել է բուժումից։ Շատ հիվանդներ դեռ վտանգի տակ են: Հիմնական պաշարները սպառվում են. Մարդասիրական ճգնաժամն այլևս պոտենցիալ ճգնաժամ չէ, այն արդեն այստեղ է: Կոչ եմ անում նախագահ Բայդենին օգնել Արցախի անվտանգության ապահովմանը»,- այս մասին գրառում է արել ԱՄՆ Ներկայացուցիչների պալատի անդամ Ադամ Շիֆը` թվիթերյան իր հաշվում և հրապարակել այն նամակը, որը դեռ դեկտեմբերի 16-ին էր հասցեագրել ԱՄՆ նախագահ Ջո Բայդենին:
Հիշեցնենք, որ դեկտեմբերի 12-ից ադրբեջանցի իբր «բնապահպան ակտիվիստները» երկկողմանի փակել են Արցախը Հայաստանին կապող միակ ճանապարհը` ստեղծելով հումանիտար աղետ: Մարդիկ չեն կարողանում վերադառնալ իրենց բնակավայրեր, երեխաները չեն կարողանում հասնել իրենց ծնողներին, ծայրահեղ ծանր հիվանդներին հնարավոր չէ հասցնել հայկական բուժհաստատություններ: Դեղերի ու սննդի պաշարները օր օրի սպառվում է, իսկ ներկրում իրականացնել հնարավորև չէ:
