Բայդենն այժմ Ուկրաինա մեկնելու մտադրություն չունի. Սպիտակ տուն
Սպիտակ տան պաշտոնյաններն ասել են, որ ԱՄՆ նախագահ Ջո Բայդենն այս պահին Ուկրաինա մեկնելու մտադրություն չունի։ Տեղեկությունը հայտնում է «Politico» թերթը։
«Այժմ Կիև այցելելու ծրագրեր չկան։ Հիմնականում անվտանգության հետ կապված ռիսկերի պատճառով»,– ասել են նրանք։
Ավելի վաղ Բայդենն Ուկրաինայի նախագահ Վլադիմիր Զելենսկուն հավաստիացրել էր, որ Վաշինգտոնի առաջնահերթությունը Ուկրաինայի հակաօդային պաշտպանության ամրապնդումն է։
ԱՄՆ նախագահը նաև ողջունել էր Ուկրաինայի առաջնորդի` «արդար խաղաղության» հասնելու պատրաստակամությունը:
Հիշեցնենք՝ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 297-րդ օրը։
