Փրայսը՝ Ադրբեջանի կողմից Լաչինի միջանցքը փակելու մասին
ԱՄՆ պետքարտուղարության խոսնակ Նեդ Փրայսն անդրադարձել է ադրբեջանցիների կղմից Լաչինի միջանցքը փակելուն: Նա հայտարարել է, որ Լաչինի միջանցքի փակումը լուրջ հումանիտար հետևանքներ ունի և հետ է մղում խաղաղության գործընթացը:
«Մենք կոչ ենք անում Ադրբեջանի կառավարությանը վերականգնել միջանցքով ազատ տեղաշարժը»,-նշել է Փրայսը՝ շեշտելով, որ դեպի առաջ շարժման ճանապարհը բանակցություններն են։
Հիշեցնենք, որ դեկտեմբերի 12-ի՝ ժամը 10:30-ից, մի խումբ ադրբեջանցիներ բնապահպանական պատճառաբանություններով փակել են Ստեփանակերտ-Գորիս մայրուղու Շուշի-Քարին տակ հատվածը՝ Լաչինի միջանցքը։ Հարյուրավոր քաղաքացիներ, այդ թվում`անչափահասներ, չեն կարողանում վերադառնալ տուն: Ընդհատված է Շուշիի շրջանի Լիսագոր, Մեծ շեն, Հին շեն և Եղցահող գյուղերի տրանսպորտային կապը մայրաքաղաք Ստեփանակերտի հետ։
Ադրբեջանը դեկտեմբերի 13-ից խափանել էր նաև Արցախի Հանրապետության գազամատակարարումը: Դեկտեմբերի 16-ին գազամատակարարումը վերականգնվել է:
