Ընդդիմադիրները կրկին ներկա չեն ԱԺ նիստին. ՍԴ նորընտիր դատավորներ երդվեցին
Հայաստանի Ազգային ժողովն այսօր՝ դեկտեմբերի 16-ին արտահերթ նստաշրջան է հրավիրել՝ կառավարության նախաձեռնությամբ:
Արտահերթ նստաշրջանի օրակարգում ընդգրկված է 11 հարց:
«Կառավարության կառուցվածքի և գործունեության մասին օրենքում փոփոխություններ և լրացումներ կատարելու մասին» և կից ներկայացված օրենքների նախագծերի փաթեթը երկրորդ ընթերցմամբ և ամբողջությամբ ընդունելու մասին հարցի քննարկման ժամանակ ընդդիմադիրներից մի քանիսը լքեցին նիստերի դահլիճը: Ընդդիմադիրների մեծ մասն ընդհանրապես չի ներկայացել նիստին:
Նիստի մեկնարկին Սահմանադրական դատարանի նորընտիր դատավորներ Սեդա Սաֆարյանը և Հովակիմ Հովակիմյանը երդվեցին։
