ԵՄ-ը պատժամիջոցներ է սահմանել ՌԴ զինված ուժերի և դրանց բոլոր տեսակների նկատմամբ
Եվրամիությունը պատժամիջոցների իններորդ փաթեթում ներառել է Ռուսաստանի Դաշնության զինված ուժերը և դրանց բոլոր տեսակները։ Այս մասին են վկայում ԵՄ պաշտոնական ամսագրի տվյալները։ Այսպիսով, սահմանափակումների տակ կհայտնվեն հետևյալը՝ ռուսական բանակը, ավիացիան, նավատորմը և օդադեսանտային ուժերը, գրում է Life-ը:
Բացի այդ, պատժամիջոցների նոր փաթեթը ներառում է ավիացիայի հետ կապված ապրանքների և տեխնոլոգիաների, այդ թվում՝ անօդաչու թռչող սարքերի, ներառյալ ինքնաթիռների շարժիչների և դրանց մասերի արտահանման արգելքը։
Ավելի վաղ հայտնի էր դարձել, որ Ռուսաստանի դեմ ԵՄ նոր պատժամիջոցներին միացել էր Շվեյցարիան։ Սև ցուցակում ներառվել են 168 ռուսական ընկերություններ, այդ թվում՝ հանքարդյունաբերության և էներգետիկայի ոլորտի ներկայացուցիչներ, ինչպես նաև չորս ռուսական հեռուստաալիքներ։
