«Ես ձեզ կպատասխանեմ ավանդույթի համաձայն». Պեսկովը` Լավրովի պաշտոնանկության մասին լուրերի վերաբերյալ
Կրեմլը մեկնաբանել է ՌԴ արտգործնախարար Սերգեյ Լավրովի պաշտոնանկության մասին լուրերը:
ՌԴ նախագահի մամուլի քարտուղար Դմիտրի Պեսկովը ասեկոսեներ է անվանել ՌԴ ԱԳՆ ղեկավարի հնարավոր փոփոխության մասին հրապարակումները։ Այս մասին նա հայտարարել է հինգշաբթի՝ պատասխանելով այն հարցին, թե Կրեմլում քննարկվում է արդյոք կադրային փոփոխությունների թեման։
«Ես ձեզ կպատասխանեմ ավանդույթի համաձայն. համապատասխան կերպով վերաբերվեք նման ասեկոսեներին», - ասել է Պեսկովը:
Ավելի վաղ որոշ Telegram-ալիքներում տեղեկություններ էին հայտնվել Ռուսաստանի ԱԳ նախարարի պաշտոնի հավանական թեկնածուների քննարկման մասին` գերատեսչության ղեկավար Սերգեյ Լավրովի հնարավոր հրաժարականի դեպքում:
