«Բաքվի գործողությունները տարածաշրջանում ռուս խաղաղապահների առաքելությունը խաթարելու փորձ են». Զատուլին

 «Լազարյան ակումբը» տարածել է ՌԴ պետդումայի պատգամավոր, ակումբի համակարգող Կոնստանտին Զատուլինի հայտարարությունը՝ Լաչինի միջանցքում ստեղծված իրավիճակի վերաբերյալ, որում մասնավորապես ասվում է. 

«Իրավիճակը Լեռնային Ղարաբաղում վտանգավոր սրվել է. Ադրբեջանն արդեն մի քանի օր է՝ փակել է Լաչինի միջանցքը՝ Լեռնային Ղարաբաղի հայ բնակչությանը Հայաստանի Հանրապետության հետ կապող միակ ճանապարհը։ Ադրբեջանական կողմը կոպտորեն խախտում է Ռուսաստանի, Հայաստանի և Ադրբեջանի ղեկավարների կողմից 2020 թվականի նոյեմբերի 9-ին ստորագրված եռակողմ հայտարարությամբ ամրագրված պայմանավորվածությունները։ 
Ըստ իս, Բաքվի գործողությունները նաև փոխզիջումների գնալու և տարածաշրջանում ռուս խաղաղապահների առաքելությունը խաթարելու փորձ են։ 
Իմ և միջազգային «Լազարևյան ակումբի» խորհրդի անունից պահանջում եմ դադարեցնել Լեռնային Ղարաբաղի շրջափակումը։ Հետագա և հնարավոր հետևանքների պատասխանատվությունն ամբողջությամբ կրում է ադրբեջանական կողմը»: