ՏԵՍԱՆՅՈՒԹ․ Ադրբեջանցի սադրիչները գիշերն անցկացրել են Լաչինի միջանցքում և շարունակել են սրել իրավիճակը
Արդեն 1 օր է ինչ ադրբեջանցի սադրիչները եկել ու փակել են Արցախը Հայաստանին կապող միակ ճանապարհը։ «Խաղաղ» ցուցարարները ոչ միայն տարածքում ցուցադրում են ֆաշիստական գորշ գայլերի նշանը, այլ նաև բարձրախոսեր միացնում և խոսում այնպիսի բաներ, որ Արցախի հայերի մոտ խուճապ առաջացնեն, նրանց նյարդայնացնեն։ Թշնամին այս միջոցով փորձում է հոգեբանական ճնշում գործադրել հայերի վրա։
Հիշեցնենք՝ քիչ առաջ հայտնի դարձավ, որ Արցախի Հանրապետության նախագահ Արայիկ Հարությունյանը դեկտեմբերի 12-ին հրավիրել է աշխատանքային ընդլայնված խորհրդակցություն։ Այս մասին տեղեկանում ենք Արցախի նախագահի աշխատակազմից:
