Քաղաքականություն

ՏԵՍԱՆՅՈՒԹ. Անդրանիկ Քոչարյանը` Լաչինի միջանցքում ադրբեջանական սադրանքի մասին

Ադրբեջանի իշխանություններն իրականացնում են լավ ծրագրված սադրիչ գործողություններ։ Նրանց նպատակը լարվածության ստեղծումն է Լեռնային Ղարաբաղում։ Այս մասին Ազգային ժողովում, ավանդական ճեպազրույցների…

 Ադրբեջանի իշխանություններն իրականացնում են լավ ծրագրված սադրիչ գործողություններ։ Նրանց նպատակը լարվածության ստեղծումն է Լեռնային Ղարաբաղում։ Այս մասին Ազգային ժողովում, ավանդական ճեպազրույցների ժամանակ, դեկտեմբերի 12-ին ասել է պաշտպանության և անվտանգության խորհրդարանական մշտական հանձնաժողովի նախագահ, կառավարող «Քաղաքացիական պայմանագիր» խմբակցության պատգամավոր Անդրանիկ Քոչարյանը՝ մեկնաբանելով արդբեջանցի «բնապահպանների» սադրիչ գործողությունները։

 

Պատգամավորը համոզված է. Ադրբեջանի իշխանությունները հույս ունեն, որ այս լարվածությունը կտեղափոխվի նաեւ Հայաստան։ Այս առնչությամբ նա շտապել է սառնասրտություն պահպանելու կոչ անել։ «Մեր նպատակները մնում են անփոփոխ։ Խոսքը, մասնավորապես, Ղարաբաղում ապրող մեր հայրենակիցների անվտանգ կյանքի եւ Հայաստանի ու Ղարաբաղի անվտանգության համատեղ գոտում անվտանգության միջավայրի կերտման մասին է»,- ասել է Քոչարյանը։

 

Խորհրդարանականի խոսքով՝ Ադրբեջանը պետք է, վերջապես, հասկանա, որ այդպիսի քայլերով եւ գործողություններով հարկադրում է Ղարաբաղին եւ Հայաստանին իրենց անվտանգային միջավայրը շատ ավելի առաջնահերթ դարձնել։ «Նրանք արագացնում են մեր կողմից սեփական սխալներն ուսումնասիրելու գործընթացը»,- նշել է կառավարող կուսակցության պատգամավորը։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8001) Միջազգային (3516) ԱՄՆ (2361) Ռուսաստան (2235) Իրան (1781) Ընտրություններ (1281) Ուկրաինա (903) Երևան (820) Իսրայել (765) Ադրբեջան (675) Փաշինյան (581) Եվրոպա (529) Ազգային ժողով (486) Ընդդիմություն (480) Թրամփ (449)

Radio Aurora

Լսել Radio Aurora

Գովազդային տարածք

300x250