ՏԵՍԱՆՅՈՒԹ․ Տեղատարափ անձրևները հեղհեղել են Անթալիայի փողոցները
Անթալիա հանգստավայրում տեղատարափ անձրեւները ջրհեղեղ են առաջացրել: Հորդառատ անձրևի հետևանքով առվակները դուրս են եկել ափերից՝ հեղեղելով ոչ միայն քաղաքի փողոցները, այլև տների առաջին հարկերը, նույնիսկ տանիքի փլուզման դեպքեր են գրանցվել։ Շատ տուժել է նաև Կումլուջա նահանգը՝ ջրի բարձր մակարդակի պատճառով դպրոցներում դասերը դադարեցվել են։
«Մոտ 50 տարվա ընթացքում մենք նման իրավիճակ չենք տեսել։ Իրավիճակը կարգավորելու համար մենք ստեղծել ենք ճգնաժամային կենտրոն»,- ասել է Կումլուջայի քաղաքապետ Մուստաֆա Քոլեօղլուն։ Տեղական լրատվամիջոցները հայտնում են կամուրջների ավերման մասին։
