ՏԵՍԱՆՅՈՒԹ․ Մանրամասներ՝ Ստամբուլի Չըրաղան պալատում բռնկված հրդեհից․ ճարտարապետները հայ են եղել
Ստամբուլի 5 աստղանի հյուրանոցում, որտեղ այսօր հրդեհ էր բռնկվել, կա երեք վիրավոր: Բոլորն էլ հյուրանոցի աշխատակիցներ են։ Նրանցից միայն մեկի համար է բժշկական օգնություն պահանաջվել: Այսօր ավելի վաղ հայտնել էինք, որ հրդեհ է բռնկվել Բոսֆորի ափին գտնվող Չըրաղան պալատի հյուրանոցային մասում։ Տարածքում է գտնվում Kempinski հյուրանոցը։ Հրդեհը սկսվել է հյուրանոցի այն հատվածում, որտեղ վերանորոգման աշխատանքներ էին իրականացվում։
Հավելենք, որ Չըրաղան պալատը, ինչպես և Օրթաք-յոյ մզկիթը և Դոլմաբահչեի պալատը, կառուցվել է հայազգի Պալյան ընտանիքի կողմից՝ 1863 - 1867 թվականներին։ Ընտանիքի անդամները 18-19 դդ. եղել են օսմանյան արքունի ճարտարապետներ։
