ԱՄՆ-ի ու Ռուսաստանի ներկայացուցիչների Ստամբուլում կայացած հանդիպման թեման հայտնի է

ԱՄՆ-ն ու Ռուսաստանը Ստամբուլում կայացած հանդիպմանը չեն քննարկել Ուկրաինայի թեման, ՌԻԱ Նովոստիին հայտնել են Պետդեպում։
Ինչպես այսօր հայտնել է ՌԴ փոխարտգործնախարար Սերգեյ Ռյաբկովը, ԱՄՆ-ը և Ռուսաստանը Ստամբուլում վիզային հարցերի շուրջ հանդիպում են անցկացրել համապատասխան գերատեսչությունների մակարդակով։

«Մենք կարող ենք հաստատել, որ Պետդեպարտամենտի բարձրաստիճան պաշտոնյան գտնվում է կամ գտնվել է Ստամբուլում՝ հանդիպելու ռուս զրուցակիցների հետ երկկողմ հարցերի նեղ շրջանակի շուրջ», - ասել է պաշտոնյան։

Նա նշել է, որ Պետդեպարտամենտը չի մեկնաբանի «մասնավոր դիվանագիտական ​​բանակցությունները»՝ հավելելով, որ շփումների ընթացքում Ուկրաինայում ռուսական հատուկ գործողությունը չի քննարկվել։