Ռոնալդուին փոխարինած Ռամոսը` Աշխարհի առաջնության առաջին hեթ-տրիկի հեղինակ. Պորտուգալիայի ջախջախիչ հաղթանակը
ԱԱ-2022-ի 1/8 եզրափակիչի վերջին խաղում Պորտուգալիայի հավաքականը 6:1 հաշվով հաղթեց Շվեյցարիայի թիմին:
17-րդ րոպեին սուր անկյունից կատարած դիպուկ հարվածով Ռոնալդուին փոխարինած Գոնսալո Ռամոսն առաջ մղեց պորտուգալացիներին: 33-րդ րոպեին Պեպեն գլխի հարվածով կրկնապատկեց իր թիմի առավելությունը:
Թիմերն ընդմիջման գնացին այս հաշվով: 51-րդ րոպեին Գոնսալո Ռամոսը հաշիվը դարձրեց 3:0: 4 րոպե անց Գերեյրոն հաշիվը դարձրեց 4:0, իսկ 3 րոպե անց Ականջին կրճատեց այն:
67-րդ րոպեին 21-ամյա Գոնսալո Ռամոսը խփեց այս խաղում իր 3-րդ գոլը, իսկ 92-րդ րոպեին Ռաֆայել Լեաուն հաշիվը դարձրեց 6:1:Ռոնալդուին փոխարինած երիտասարդ ֆուտբոլիստը դարձավ այս Աշխարհի առաջնության առաջին hեթ-տրիկի հեղինակը:
Այսպիսով, Պորտուգալիան դուրս եկավ քառորդ եզրափակիչ, որտեղ կմրցի Մարոկկոյի հավաքականի հետ:
