Ինչո՞ւ Ռոնալդուն մեկնարկային կազմում չէր. մարզիչը բացատրել է որոշումը

 Պորտուգալիայի հավաքականի գլխավոր մարզիչ Ֆերնանդու Սանթուշը բացատրել է հարձակվող Կրիշտիանու Ռոնալդուին ԱԱ-2022-ի 1/8 եզրափակչի՝ Շվեյցարիայի դեմ խաղի մեկնարկային կազմում չընդգրկելը․

«Իմ որոշումը ոչ մի կերպ կապված չէ Հարավային Կորեայի դեմ նրա խաղի հետ, եկեք փակենք այս հարցը։ Մենք այդ մասին մտածել ենք այսօրվա խաղից դեռ մի քանի օր առաջ։ Թիմերը վաղուց պատրաստ էին սրան։ Տեխնիկական որոշում է, ոչ ավելին»,- Սանթուշի խոսքերն է փոխանցում Record-ը։

Պորտուգալիայի հավաքականը H խմբում առաջին հորիզոնականն է զբաղեցրել՝ վաստակելով 6 միավոր։ Պորտուգալացիները հաղթել են Գանային (3-2) և Ուրուգվային (2-0), իսկ վերջին խաղում պարտվել են Հարավային Կորեային (1-2)։ 1/8 եզրափակչում էլ պորտուգալացիները 6-1 հաշվով ջախջախել են Շվեյցարիային և դուրս են եկել քառորդ եզրափակիչ, որտեղ կխաղան Մարոկկոյի հետ: