Կրեմլը՝ Փաշինյան-Ալիև հնարավոր հանդիպման մասին
Ռուսաստանը պատրաստ է անհրաժեշտ օգնություն ցուցաբերել Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հանդիպման անցկացման համար։ Այս մասին հայտարարել է Կրեմլի պաշտոնական ներկայացուցիչ Դմիտրի Պեսկովը, նրա խոսքերը մեջբերում է ՏԱՍՍ-ը։
«Ռուսաստանն, անշուշտ, պատրաստ կլինի տրամադրել անհրաժեշտ օգնությունը՝ իր տարածքում նման հանդիպում անցկացնելու համար»,- ասել է Պեսկովը՝ պատասխանելով լրագրողների համապատասխան հարցին։
ՌԴ նախագահի մամուլի քարտուղարը նշել է, որ եթե այս հանդիպման վերաբերյալ որոշակի ըմբռնում հայտնվի, այդ մասին կտեղեկացվի։
