«Դադարեցրեք մարդկանց վախեցնել անհեթեթ սցենարներով». Մակրոն
Ֆրանսիայի նախագահ Էմանուել Մակրոնը կտրուկ արձագանքել է այս ձմռանը Ֆրանսիայում էլեկտրաէներգիայի հնարավոր անջատումների մասին լրագրողի հարցին՝ կոչ անելով դադարեցնել մարդկանց վախեցնել «անհեթեթ սցենարներով»։
«Այս բանավեճն աբսուրդ է: Պետական իշխանությունների և կազմակերպությունների դերը վախ սերմանելը չէ: Նրանց դերն է՝ իրենց գործն անել՝ մարդկանց էլեկտրաէներգիա ապահովելու համար: Սա բոլորի պատասխանատվությունն է, և դա կայանում է «Էներգետիկ սթափության» մեջ, այլ ոչ թե մարդկանց անհեթեթ սցենարներով վախեցնելու»,-ասել է Ֆրանսիայի ղեկավարը:
Այս մասին Մակրոնն ասել է Ալբանիայում Արեւմտյան Բալկանների գագաթնաժողովին իր այցելության ժամանակ։ Տեղեկատվությունը փոխանցում է ՌԻԱ Նովոստին: Նա ընդգծել է, որ Ֆրանսիան հիանալի երկիր է՝ էներգետիկ մեծ մոդելով։
«Մենք կհաղթահարենք այս ձմեռը, չնայած պատերազմին: Ես պարզապես խնդրում եմ բոլորին անել իրենց աշխատանքը»,-նշել է Մակրոնը:
