ՀԲ-ի նախագահն ասել է` որքան գումար է անհրաժեշտ Ուկրաինայի վերակառուցման համար
Համաշխարհային բանկի նախագահ Դեյվիդ Մալպասը Reuters-ին ասել է, որ Ուկրաինայի հետպատերազմյան վերակառուցման համար անհրաժեշտ է 350 միլիարդ դոլար:
Նրա խոսքով՝ ռուսների հրթիռակոծությունների և ռմբակոծությունների հետևանքով մեծամասամբ ավերված էներգահամակարգի վերականգնումը շատ թանկ կլինի: Դեյվիդ Մալպասը համոզմունք է հայտնել, որ Ուկրաինայում Ռուսաստանի ռազմավարությունն «ամեն բանի ոչնչացումն է»: Նա ասել է, որ Համաշխարհային բանկն արդեն 18 միլիարդ դոլար է տրամադրել Կիևին:
«Չեմ կարծում, թե դոնորների մոտ հոգնածություն է նկատվում Ուկրաինայի թեմայից, ընդհակառակը՝ ես տեսնում եմ, որ աշխարհը հրատապ է համարում այս խնդիրը և առաջընթաց է ուզում», - հայտարարել է Մալպասը:
