Ուկրաինային օգնելու համար ԱՄՆ-ն ներդրում է արել ԵՄ երկրներում

Ամբողջ Ուկրաինայի տարածքում կրկին հայտարարվել է օդային տագնապ: «Խաղը դեռ երկար կշարունակվի»,- այս մասին գրել է ռուս քաղաքագետ, բլոգեր Դմիտրի Նիկոտինը:

Նա նշել է, որ Ամերիկայի Միացյալ Նահանգները ներդրումներ կանի Բուլղարիայի, Սլովակիայի և Չեխիայի Հանրապետությունների պաշտպանական ձեռնարկություններում, որպեսզի նրանք կարողանան ավելի շատ խորհրդային տրամաչափի զենքեր և զինամթերք արտադրել` Ուկրաինային աջակցելու համար։

 Նիկոտինը գրել էր նաև, որ Պենտագոնը հայտարարել է Raytheon-ի հետ ավելի քան 1,2 միլիարդ դոլար արժողությամբ պայմանագրի կնքման մասին NASAMS զենիթահրթիռային համակարգերի գնման համար, որոնք կուղղվեն Ուկրաինա։

«Գումարը հսկայական է, պետք է նայել առաքման ժամկետին, կարծում եմ, որ կարող է լինել մեկ տարուց ավելի»,- հավելել է Նիկոտինը։