Կատարում անցկացվող աշխարհի առաջնության խմբային փուլի 2-րդ տուրում Անգլիա- ԱՄՆ խաղից առաջ զավեշտալի դեպք է տեղի ունեցել։

Երեկ Անգլիա-ԱՄՆ-ն խաղից առաջ ստադիոնի մուտքի մոտ անհայտ մի երաժշտական խումբ նվագել է «Կատյուշա» ռուսական խորհրդային հայտնի երգը։

Ինչպես երևում է հրապարակված կադրերում նվագախմբի երաժշտության ներքո պարում են Ամերիկայի և Մեծ Բրիտանիայի դրոշները պարզած քաղաքացիներ, որոնք, ըստ երևույթի, չեն հասկացել, որ երգը ռուսական է և այն պատերազմական հնչերանգ ունի։ 

Հիշեցնենք, որ երեկ աշխարհի առաջնության խմբային փուլի երկրորդ տուրում Անգլիայի հավաքականը մրցեց ամերիկացիների հետ և բավարարվեց ոչ ոքի արդյունքով։