Դեկտեմբեր‎ի 07 Երևան 6°C

$ 395.53 | € 393.43 | ₽ 6.42

Երևան 6°C | $ 395.53 | € 393.43 | ₽ 6.42

«Իրանը Ադրբեջանի դեմ ակտիվ հետախուզական և դիվերսիոն գործողություններ է իրականացնում». ադրբեջանցի պաշտոնյան մեղադրել է Թեհրանին

Իրանի ու Ադրբեջանի լարված հարաբերությունները շարունակում են նոր թափ հավաքել: 

Ադրբեջանական մամուլն այսօր գրել է, որ Բաքվի Անվտանգության խորհրհրդում տեղի ունեցած քննարկման ընթացքում Պետական անվտանգության ծառայության պետի առաջին տեղակալ, գեներալ-լեյտենանտ Ջեյհուն Շադլինսկին Իրանի դեմ  մեղադրանքներ է հնչեցրել:

 

Նա, մասնավորապես, նշել է, որ Իրանի հատուկ ծառայություններն Ադրբեջանի դեմ ակտիվ հետախուզական և դիվերսիոն գործողություններ են իրականացնում։ Գեներալ-լեյտենանտը  հավելել է, որ ձեռնարկվել են կտրուկ միջոցներ: Վերջինս, սակայն չի մանրամասնել, թե ինչ միջոցներ  են ձեռք առնելու:
 

Հիշեցնենք, որ օրեր առաջ Բաքուն հայտարարեց, թե Ազգային անվտանգության ծառայությունը բացահայտել և ձերբակալել է Ադրբեջանի հինգ քաղաքացիների, որոնք լրտեսություն են իրականացրել հօգուտ Իրանի Իսլամական Հանրապետության։ Նրանց մեղադրանք է առաջադրվել դավաճանության համար: Ձերբակալվածների շարքում է Կասպյան նավթային նավատորմի նավերից մեկի նավապետ Զահիր Ասկեֆրովը, ով ըստ ադրբեջանական ԱԱԾ-ի, հավաքագրվել է Իրանի գաղտնի ծառայությունների կողմից, և դրամական պարգևի դիմաց իրանական հատուկ ծառայություններին տեղեկություններ փոխանցել Կասպից ծովում անցկացվող զորավարժությունների, Ադրբեջանում գործող օտարերկրյա ընկերությունների ու նավահանգիստներ բերվող բեռների մասին: