Բողոքի ակցիան վիրավորել է Էրդողանին. Թուրքիայում Շվեդիայի դեսպանը կանչվել է ԱԳՆ
Շվեդիայի դեսպան Ստեֆան Հերսթրյոմին երեկ կանչվել է Թուրքիայի արտգործնախարարություն, գրում են թուրքական լրատվականները: Ինչպես գրում է լրատվականը` դեսպանին բողոք են հայտնել՝ կապված «Ստոկհոլմում Թուրքիայի դեսպանատան մոտ տեղի ունեցած սադրանքի» վերաբերյալ։
Հիշեցնենք, որ Շվեդիայում քրդերը բողոքի ակցիա էին կազմակերպել Թուրքիայի դեսպանատան մոտ ու շենքի վրա ցուցադրել պատկերներ, որոնք, ըստ Անկարայի, PKK-ի «ահաբեկչության քարոզչություն» են պարունակում և և վիրավորում Էրդողանին։
Անկարան Շվեդիայի դեսպանին տվյալ գործողությունը դատապարտելու և այն հետաքննելու պահանջ է ներկայացվել և նշվել, որ ակնկալում են բացահայտել անընդունելի արարքի մեղավորներին և անհրաժեշտ միջոցներ ձեռնարկել։
Դեսպանին նաև ասվել է, որ թուրական կողմը Շվեդիայից կոնկրետ քայլեր է ակնկալում՝ կապված պարտավորությունների հետ, որոնք ամրագրված են Թուրքիայի, Շվեդիայի և Ֆինլանդիայի հուշագրում։ Հավելենք, որ Թուրքիան և Հունգարիան ՆԱՏՕ-ի անդամ միակ երկրներն են, որոնք դեռ չեն վավերացրել Սկանդինավյան երկրների՝ դաշինքին անդամակցելու հայտերը։
