ՄԱԳԱՏԷ-ն` Իրանում միջուկային զենք ստեղծելու վերաբերյալ լուրերի մասին
Ատոմային Էներգիայի միջազգային գործակալությունը (ՄԱԳԱՏԷ) չի կարծում, որ Իրանը պետք է ճանաչվի որպես միջուկային տերություն, երկրում միջուկային զենքի մշակման մասին տեղեկություններ չկան: Այս մասին հայտնել Է ՄԱԳԱՏԷ-ի գլխավոր տնօրեն Ռաֆայել Գրոսսին CBS հեռուստաընկերությանը տված հարցազրույցում, որը հեռարձակվել է կիրակի օրը։ Տեղեկատվությունը փոխանցում է ՏԱՍՍ-ը:
«Հարստացված ուրանի արտադրության ներկայիս մակարդակի պայմաններում Իրանն արդեն բավականաչափ նյութ է կուտակել, որպեսզի ունենա մեկից ավելի սարք, եթե նրանք որոշեն դա անել։ Բայց մենք ոչ մի տեղեկություն չունենք, որը ցույց կտա, որ Իրանն այս պահին միջուկային զենքի մշակման ծրագիր ունի», - պատասխանել է ՄԱԳԱՏԷ-ի ղեկավարը։
Նրանից նաև հետաքրքրվել են, թե արդյոք Իրանի հետ հարաբերություններում հասել է անդառնալի կետի, արդյոք ժամանակն է նրան ճանաչել որպես միջուկային տերություն։
«Ոչ, մենք դեռ չենք հասել այդ կետին։ Բայց մենք պետք է շատ քրտնաջան աշխատենք, որպեսզի դրան չհասնենք», - եզրափակել է Գրոսին։
