Թուրքիայի Կարկամիշ քաղաքի ուղղությամբ 4 հրթիռ է արձակվել
Թուրքիայի Կարկամիշ քաղաքի ուղղությամբ Սիրիայի հետ սահմանին չորս հրթիռ է արձակվել, որոնցից մեկը դպրոցի շենքի վրա է ընկել, հայտնել են տեղական ԶԼՄ-ները:
Հարձակման արդյունքում կան վիրավորներ, նրանց թիվը չի նշվում։ Իշխանությունները տեղեկացրել են նաև երկու մարդու մահվան մասին։ Նշվում է, որ բեկորները հայտնվել են մոտակա երկու տներում եւ Կարկամիշի սահմանային դարպասների մոտ կայանված բեռնատար ավտոմեքենայում:
Haberturk հեռուստաալիքի տվյալներով՝ հարձակումը կատարվել է Թուրքիայում արգելված Քրդստանի աշխատավորական կուսակցության ուժերի կողմից։
Ավելի վաղ հաղորդվել էր, որ Թուրքիան օդային գործողություն է կազմակերպել ՔԱԿ-ի դեմ Սիրիայի և Իրաքի հյուսիսում։ Հանրապետության պաշտպանության նախարարությունը զեկուցել է 89 թիրախների վերացման մասին:
