ՏԵՍԱՆՅՈՒԹ․ Ինչպես են պատգամավորները հերթ կանգնում, որ մոտենան Նիկոլ Փաշինյանին․ Hraparak
Ազգային ժողովում լրագրողների համար նոր սահմանափակումներ են մտցվել, գրում է Hraparak.am-ը։
«Քիչ առաջ, երբ հայտարարվեց ընդմիջում, մենք որոշեցինք հեռախոսով վերևից նկարել, թե ինչպես են պատգամավորները հերթ կանգնում, որ մոտենան Նիկոլ Փաշինյանին, շփվեն նրա հետ: Փաշինյանի անվտանգության աշխատակիցները նկատեցին, որ նկարում ենք ու խնդրեցին չնկարել:
Ասացին` պրոֆեսիոնալ տեսախցիկով կարելի է, հեռախոսով` ոչ: Երբ հարցրինք` ինչո՞ւ, ի՞նչ տարբերությում, թե ինչով ենք նկարում, անվտանգության աշխատակիցը դժվարացավ պատասխանել. «Ճիշտն ասած` չեմ իմանում, թե ինչ տարբերություն»: Նա միայն նշեց, որ այսօր այդպիսի հրահանգ են ստացել, որ հեռախոսով չի կարելի նկարել», նշում է լրատվականը
